VRF – medlemsskriv – mars 2018

I 2017 spelte barn og ungdom i nedslagsfeltet til VRF sin femte sesong i FK Sykkylven sine drakter, i lag med jamaldringar frÃ¥ Hundeidvik IL og Ikornnes IL. Og det var  femtande sesongen med FK Sykkylven – avtale mellom VRF og FK Sykkylven signert i januar 2003. Etter det vi les sÃ¥ har FK Sykkylven yngres og SIL fotball inngÃ¥tt samarbeid om laga i dei yngste Ã¥rsklassene. VRF har ikkje vore invitert med inn i denne prosessen.

Dalemyra vert no drifta av eigar-laget Velledalen Idrottslag (VIL). Kråmyrabygget på Dalemyra er det VRF som driftar, VIL har fått tilbod om å leige lager der og fri bruk av huset i samband med kioskdrift.

Slettegjerde er det VRF som driftar, ei stor takk til dugnadsgjengen der med Jens Petter Søvik og Einar Fet i spissen. Det har sist år vore utført ein del vedlikehaldsarbeid på området der og håpet vårt er at Slettegjerde skal verte meir brukt. FK Sykkylven har sagt opp avtalen vi hadde med dei om bruk av Slettgjerde.

Vi prøver å få til meir fotballaktivitet i området vårt og har hatt ein aktivitetsdag på Slettegjerde i haust, dette er noko vi håper å få gjort meir av dette året. I tillegg har vi hatt fotballtreningar for born i vekene før Ekornes-cup.

V.R.F er eigar i både Velledalen grendahus og Velledalen Naturbarnehage SA og har vore representert på generalforsamlingane til begge desse.

Årsmøtet i år blir måndag 19. mars kl 19.00 i kjellarsalen på Velledalen grendahus.

Vel møtt !

                                                Styret