Kjære Velledaling: Kvardagar mot haust
Kvardagar
er det flest av, og då vi treng både dagleg brød og godt lag!
Kva er status angåande økonomien?
Hittil i
år (30.juni) syner rekneskapen eit underskot på 34.000 kroner. Men då må vi i
alle fall legge til to ting: Ei vesentleg bonus-utbetaling på omsetninga under
Brøvolls-festivalen kom inn i juli. Og så er kostnaden med havari på
kjøleanlegget på nærare 100.000 bokført og betalt over drifta. Dermed er det
tydeleg at butikken no har ei «underliggande lønsemd» som er veldig lovande!
Eit anna barometer på stoda, er at forfalt gjeld til leverandørane no har
krympa til nedmot 50.000 kr
Ei stor takk til heiderskarane
William og Kevin for flott innsats ved Nærbutikken over dei siste par åra. Tida
var no inne for at dei skulle skifte beite; den eine i militæret, og den andre
som student. Klart vert dette ei sakn for butikken, men kjenner vi dei rett,
vil dei støtt og stad vere å sjå i dalen ved helger og feriar.
Men ikkje ver redd; ei
"nysignering" dukkar opp bak kassa på Nærbutikken, og vil sikre
hyggjelege handleturar også i framtida - så her er det berre
å følge med!
Tusen takk for flott
innsats, Kevin og William!
·
Noter gjerne
laurdag 8. september
frå kl. 12:
nysteikte vafler i kaféen!
·
NærButikken har no bjørkaved for sal!
·
Bruk den enkle «gratis» panteordninga! Du sparer tid og butikken tener
pr. flaske i staden for å tape på grunn av feilsortering!
·
Nytt alle høve til å framsnakke butikken til folk. Saknar du noko
angåande drift eller vareutval: Ta det direkte med butikksjef Henning. Han tek
alle synspunkt på største alvor!
·
Gjer som karane på bildet: Avtal med laget eller flokken din eit treff i
kafèen!
·
Fyll gjerne opp att handlekontoen når du har høve til det!
Beste helsing styret i
Velledalen i Balanse AS
Nils
Sigurd Drabløs, Anita Kjersheim, Odd Kåre Fet, Håkon Fedt, Anne Britt
Hammer.
Annlaug Grebstad ( vara ) og Oddbjørn
Brunstad ( vara)
Sponsa
av:
Publisert: MÃ¥ndag 3. September 2018 Kl. 20:00
.jpg)
Velledalen symjehall
